中共十六大噚日開幕，八方又冇份採訪，希望十六大之後會有轉機，唔會再封殺《蘋果》。
八方雖然入唔到人民大會堂，但都八到一啲趣事。呢次大會，大家最關心嘅係總書記江澤民會否全退，而佢位大公子江綿恒（圖）當選十六大代表都係焦點之一。江綿恒係中國科學院副院長，一向好低調，噚日上晝有記者喺大會堂想訪問佢，不過江公子乜都唔答，但就好驚訝記者竟然認到佢。查實佢同老竇成個餅印咁，想認唔到都好難。
但江綿恒晏晝竟然出席中央團嘅分組會議，呢個團係開放畀記者採訪嘅，香港記者等咗成日都搵唔到採訪對象，江大公子一出現，即時「羊入狼群」，俾記者追到氣咳，但佢都係乜都唔答，重用手擋鏡頭唔俾影相。查實江大公子一早知道呢個團係開放嘅，唔想曝光點解要出席？
傳真︰2623-9278
電郵︰