住在翠竹花園爆炸案肇事單位毗鄰七十五歲的林顏巧蘭無辜枉死，四十多歲的次女阿嬋激動地說：「阿媽死得咁慘，我哋幾兄弟姊妹希望盡量籌錢，搞好佢嘅身後事。」她續說：「𠵱家我哋根本接受唔到佢嘅死，淨係以為阿媽去咗街，佢份人好節儉，平時唔鍾意嘥錢去飲茶，見到鄉下嘅親戚經濟上有困難，佢就會義不容辭去幫手，阿媽真係好樂於助人。」
死者林顏巧蘭生前任職製衣廠工人與丈夫結婚多年，夫婦含辛茹苦養育九名兒女，八十年代城寨清拆時，夫妻兩人把僅有的積蓄及當局賠償金額用來置業，盼能為子女帶來一個安樂窩。九六年其夫因病去世，其後子女成家立室相繼遷出，現餘下四名子女及兩名外孫與她一起居住。
數年前，林顏巧蘭退休後，大部份時間均留在家中照顧兒女及孫兒的起居飲食，而兄妹則負責供養母親每月開支。
「媽媽在生嘅時候，除咗好節儉之外，對我哋幾兄弟姊妹都呵護備至，成日煲湯同埋煮啲嘢畀我食。」三十七歲的三兒子阿雄向記者細訴慈母生前對子女照顧無微不至。
有見林家兄妹各有家庭負擔，現仍需四出籌款殮葬亡母，蘋果日報慈善基金即時從殮葬專戶撥款一萬元，助紓其經濟壓力。
捐款編號：C0737
暖流熱線
電話：29908688
傳真：23702192
電郵：
網址：