謝霆鋒上月十六日因串謀妨礙司法公正罪成，被判履行二百四十小時社會服務令，其後卻被外間指刑罰過輕，律政司司長梁愛詩後來更要求覆核刑期。
昨日霆鋒到西區裁判法院出庭，霆鋒四時許離開法庭，在法院內的後樓梯吸煙，未幾即離開法院。案件會於本月十八日宣判。記者昨日致電英皇高層霍紋希問霆鋒為何提早離開時，她說：「佢因為哮喘所以早走，同天氣轉變有關，哮喘唔使睇醫生，噴藥就得，佢就返咗屋企休息。」
此外，對於有傳王菲與霆鋒復合及曾多次在霆鋒寓所裕景花園出入一事，王菲經理人陳家瑛昨日表示，不明白王菲的名字為何會時常出現在某些新聞上，希望以後不要再回應這種新聞。
陳小春： 我最終都希望佢冇事，既然政府要覆核，都要面對，佢啲壓力係來自輿論。
霆鋒品格證人黃岳泰： 霆鋒之前坐咗十四日監都係一個沉重教訓，佢本質好好。
梅艷芳： 希望霆鋒可以大步檻過，佢係個反叛嘅細路，懲罰唔一定要坐監，社會服務令都夠。
譚詠麟： 霆鋒不嬲都有悔意，大家畀時間佢啦！無論點都希望有個新嘅霆鋒出現，佢由細到大都反叛，但佢本性唔差。
陳冠希： 我之前見過霆鋒哮喘發作，好嚴重。我諗霆鋒𠵱家嘅心情都想件事快啲搞掂，我唔覺佢會扮嘢。
採訪、攝影：卓寶花