大前日從外地回港的張曼玉，在飛機上看到《東周刊》刊登女星被迫拍下的裸照之消息，她抵埗後第一時間透過短訊慰問受害女星，而對方亦回覆她「冇事」。Maggie認為傳媒應憑良心做事。
楊受成任大股東的《東周刊》，因刊登一幅女星被強迫拍下的裸照作為封面而停刊，連經常身在外地的張曼玉（Maggie）亦深表關注，雖然她三日前由外地乘坐飛機回港途中，才從報章上看到有關報道，不過她非常關心受害女星，回港後立即慰問對方。
Maggie與梁家輝等，昨日到西貢北潭涌出任「毅行者2002」活動起步禮嘉賓，並聯同立法會議員及毅行者籌委會主席陳智思等，一同步行其中一段麥理浩徑，行程約一小時。
在起步禮前，Maggie談到《東周刊》刊登女星被迫拍下的裸照一事，她說：「前日喺飛機度睇到，覺得好震驚，返到香港後傳咗個短訊畀佢（指受害女星），而佢都有覆番畀我話冇事，咁我都放心。」Maggie表示，由於近日應該有很多人致電慰問受害女星，為免騷擾她，所以只有以短訊聯絡。
而Maggie亦讚賞對方能夠勇敢面對，她又認為刊登這些裸照是不道德的行為。對於《東周刊》停刊，Maggie說：「良心重要過教訓，唔係要迫佢哋做一樣嘢，傷人傷到好深，做報道唔需要傷人，令人咁慘，良心都唔好過。」
此外，Maggie昨日亦與梁家輝及他的一對孖女同行，被問到早前拍攝電影《英雄》的苦況時，她說：「日日喺沙漠食沙，眼都開唔到，講完對白又要打，又要做感情戲，體力上已經辛苦，加上環境亦都好差。」對於《英雄》報名角逐奧斯卡「最佳外語片」，Maggie說：「好遙遠嘅事，從來冇擺過喺自己夢想之中，𠵱家有冇得入圍同參賽都未知，但都係一個好消息，始終工作人員辛苦咗五個月。」
採訪：魯萍 攝影：陳志嵐