名校周年誌慶八方都參加過唔少，但係好似香港赤柱聖士提反書院咁富貴，就真係少見。明年係該校嘅百周年紀念，八方噚日見該校喺報紙登通告，話會搞一連串活動大事慶祝咁話，第一炮就係明年一月初喺粉嶺高爾夫球會搞個「百周年高爾夫球友誼賽」，實行「以球會友，以友輔仁」咁話。
嘩！殺死人咩，用高球嚟會友，重係喺粉嶺高球會，使唔使咁豪呀？除咗高球會友外，佢哋重會喺中環香港會搞揭幕酒會同晚宴；文化中心搞音樂會；灣仔會展搞紀念晚會，真係少啲資金都唔使諗，莫非呢間學校啲校友真係咁富貴？睇吓佢哋百周年紀念籌委會嘅負責人名單，原來都係猛人，有董建成又有錢果豐，難怪。
傳真︰2623-9278
電郵︰