如果你想換季又想做善事，咁就要幫吓蘋果慈善基金啦！明日開始，一個七千呎名牌特賣場將出現在銅鑼灣，一個場有晒大人細路禦寒衫，件件名牌低至二折起發售，部份收益重會撥捐給蘋果慈善基金。今日先預告童裝部份，想知重有咩筍貨執，聽日繼續話你知！
記者：黃婉冰 攝影：楊錦文
Elle呢件過頭笠風褸，內裏有抓毛，所以衫身薄得來又保暖，拉鏈圓領設計，款式夠晒型仔，最適合不太凍如現在的天氣穿着。
原價：$349
開倉價：$122
呢件抓毛外套有晒女孩子款式必有嘅元素，花花圖案加鮮豔顏色，絲質內層唔怕拮肉，有埋頂帽仔，幾大風都無有怕。
原價：$299
開倉價：$105
場內另有小朋友最鍾意嘅卡通人物冷衫，呢款心口有大大個Elmo之外，衫袖上五顏六色嘅線條，令整件冷衫更富特色，着起零舍醒目。
原價：$199
開倉價：$70
圖案簡單嘅棉質長袖T恤，用來襯牛仔褲最適合，橙色衫身襯上深藍色領，符合晒今年撞色潮流。
原價：$139
開倉價：$49
查詢電話：29703336
地址：銅鑼灣羅素街38號金朝陽中心11樓
日期：11月9、10日上午10時至晚上10時