「奧尼爾？他只是大隻而已！」、「米高佐敦？他快要退休啦！」、「卡達？他還可以。」、「拜恩？亦算不錯，但仍不是最出色的。」……。
「女飛人」鍾絲短短一席話竟把現今NBA多位最炙手可熱的超級巨星，「彈」得幾乎一文不值！究竟哪位NBA球星才能令贏得「女飛人」芳心？「艾華遜，他是最出色的！」
小記不死心，追問：「如果身高六呎七吋的拜恩，與身高六呎的艾華遜來一場單對單，誰會勝出？」「唔……。」鍾絲猶豫了片刻，即衝口而出：「當然是艾華遜，無人可以追得上他。」
原來鍾絲不但是位超級籃球癡，她更坦言若自己不是一個職業田徑運動員，她定會投身WNBA，最好可為洛杉磯火花效力。鍾絲解釋：「她們贏了兩屆總冠軍，而且又是來自我的家鄉洛杉磯。」
原來鍾絲在籃球場上亦鋒芒畢露，司職正選控球後衞的鍾絲曾在九六年帶領北卡羅來納大學女子籃球隊，奪得全美大學籃球總冠軍，可想而知鍾絲的籃球技術不比田徑遜色。
蒙哥馬利亦說：「她經常在我面前炫耀她珍藏着的那盒入樽錄影帶，其實我都能夠入樽啦！」
趙詠賢（釜山亞運壁球金牌得主）
我第一次見佢，原來佢真人同喺電視見到一樣咁靚，尤其係佢嘅笑容就最吸引人，佢真係有星味啊！
佢知道我今晚要到英國比賽，專登同我講咗一句「GoodLuck！」（祝你好運！）我估唔到佢咁友善同隨和。
佢完全無架子，又有心機教我哋。佢同阿Tim（蒙哥馬利）教我哋啲起跑嘅動作同姿態好有用。