最近，歐寶代理為慶祝旗下Corsa車系由推出至今已達20年，以及累積產量達11,000,000部，故特別以$99,000嘅超值價推售新版Corsa，並限量20部，另外買車重送你一個既得意又可愛嘅公仔，加多一萬蚊重可以加裝全車包圍㖭！係咪覺得好有瞄頭呢？
記者：鄭達基 攝影：陳偉林
新車售價：$99,000
車輛提供：福方汽車（29888080）
若然你覺得以唔使10萬嘅車價，買到部曾獲得EuroNCAP撞擊測試四星評級嘅歐寶Corsa係好吸引，但又略嫌外形唔夠突出的話，大可多花一萬蚊為其加裝包圍，當中包括有車頭泵把連氣霸、車身兩側裙腳、車尾定翼，以及全新鬼面罩等等，一派小跑車形象油然而生，一定啱晒你口味㗎！
至於車廂方面，則依舊以寬敞闊落為主，車內座椅承托力甚豐之餘，中控台設備又見齊全，使用方便又容易；然而，一台1.4公升直4引擎表現不過不失，加上有出色懸掛系統，以及剛勁有度嘅車架輔助下，循迹性之高亦予人有莫大信心。