《基本法》二十三條真係揮之不去？非也。白鴿黨主席李柱銘噚日就講咗個笑話，卻幾有趣。
佢老兄噚晚去中環麗嘉酒店做頒獎嘉賓，佢其實係比賽嘅評判之一，大會派佢去頒個收購合併獎畀一間叫Linklaters律師行。聽聞，馬丁喺台上話，自己未做過呢類嘢，但由佢頒獎就大有理由，因為佢一直都想「二十三條」消失，今次正好用合併搞掂佢？
點合併，馬丁最鍾意嘅《基本法》條文係「四十五條」同「六十八條」；前者係最終一人一票選特首，後者係直選立法會，如果將「二十三」同「四十五」合併，剛好係「六十八」，咁樣就可以食咗「二十三條」，咁嘅橋都諗到。不過唔知你明唔明！
傳真︰2623-9278
電郵︰