黎燕珊兩年前與劉永離婚後，雖獨力撫養一對兒女，卻心廣體胖。她日前陪伴母親及兒子同遊番禺碧桂園，大擦海鮮餐之餘，又教兒子游泳。重了二十磅的黎燕珊腰間更露出如水泡般的豬腩肉。
黎燕珊與劉永離婚兩年，獨力撫養一對兒女，從事保險業的她平日工作忙碌，但她亦十分重視親子關係。日前黎燕珊陪同六十高齡的母親及其四歲大的兒子Dicky，一同在番禺碧桂園度假。
當日黎燕珊扶老攜幼，與家人在園內的餐廳大吃海鮮餐，他們點了避風塘炒蟹、筍殼魚和雞等，埋單只需三百元人民幣。三人吃飽後，黎燕珊便換上兩件頭泳衣，帶兒子到泳池嬉水。可能因心廣體胖，黎燕珊的身形比以前發福不少，腰間更露出士啤胎，如圍上水泡一樣。
黎燕珊與兒子暢泳後，往甜品店吃雪蛤膏，她的胃口相當好，全程食得開懷，一副有子萬事足的模樣。
身形明顯發福的黎燕珊日前在電話中說：「死啦，現咗士啤胎呀，想唔減肥都唔得！但我覺得做人最緊要開心，呢兩年我冇乜牽掛，鍾意食乜就食乜，都肥咗成二十幾磅。」
黎燕珊又說：「我一向都冇留意自己嘅身形，因為太忙，平日我一早六點幾就要起身，載對仔女返學，呢樣我係好堅持嘅，因為我可以喺車內同佢哋傾偈。之後我就返工，夜晚同仔女溫功課，假期帶佢哋返阿媽喺內地間屋，或者去教堂，我一日都係瞓得四至五個鐘，但都覺得生活得好開心。」
採訪：朱芷瑩