電訊盈科股價噚日急升一角，八方收到朋友來電，佢哋持有一些電盈股份，雖然有排未翻本，但總算蝕少啲，心情輕鬆番啲。講起電盈老闆「小小超」李澤楷，朋友話佢應該係今日三十六歲生日，莫非有人想砌高公司股價作為生日禮物？
既然有高人指路，八方當然要打個電話去小小超辦公室，問吓佢點慶祝生日？不過，電盈話小小超目前身在外地公幹，所以唔知佢點慶祝，但肯定唔會放假，真係「工作狂」。記得幾日前寫過小小超喺電盈員工同樂日抱住人哋嘅BB影相，相信大家都好想睇佢自己嘅BB出鏡，三十六歲，重唔搵另一半？
（圖）「小小超」李澤楷：我今日36歲喇！
傳真︰2623-9278
電郵︰