二人男子組合Shine和谷祖琳日前齊往珠海演唱，吸引近三千市民圍觀。其間Shine人有三急，借用炸雞店洗手間，豈料大群fans照跟，更踢爛花盆。
谷祖琳和二人男子組合Shine的黃又南及徐天佑，日前齊往珠海，出席「第四十九屆澳門格蘭披治大賽車之珠海極速全接觸」活動。三人首次踏足珠海，惹來近三千市民圍觀，場面熱鬧。
Shine演出前，忽然人有三急，在十多名工作人員簇擁下，徒步到附近的連鎖炸雞店借用洗手間，豈料大群fans尾隨入內，令炸雞店塞滿人。其間更有fans踩中Shine，又有fans甩鞋兼踢爛炸雞店門外的花盆。
更有fans企上枱和櫈爭睹偶像風采，工作人員為防fans衝入洗手間，只好在洗手間外築起人牆，讓Shine趕快如廁。
提到借用炸雞店洗手間一事，又南日前接受電話訪問說：「真係好急，唔去嘅話，我驚影響演出。啲工作人員又猛嗌快啲，我同天佑咪極速去完，褲鏈都幾乎拉唔切就嗌走。我都知啲人撞爛咗花盆，真係覺得唔好意思。」
Shine當日演唱了三首歌，其中一首是新歌《十八相送》，又南說：「我去珠海嗰日，啱啱係生日後第二日，我十九歲啦，所以唱《十八相送》嗰陣，自己有啲眼濕濕。唱唱吓重停咗，因為我諗起呢一年嚟發生過嘅事，喺嗰一刻覺得好感動。」
採訪：朱芷瑩