雖說經濟唔好，但腦筋靈活嘅香港人始終有計𢱑銀，好似名古屋餅店就諗到喺人流旺盛嘅彌敦道搞「路邊咖啡座」，噚日重響食晏時間舉行試飲Cappuccino，又免費派三百件芝士蛋糕同日式麻糬球，吸引咗大批男女老幼排隊。
老闆娘李太同八方講，旺角呢間新舖投資咗七位數字：「香港人對飲咖啡文化嘅要求愈嚟愈高，而且旺角又冇呢類路邊咖啡座，雖然經濟唔好，但只要用靚料，啲客貴啲都會嚟幫襯，唔一定要減價促銷。」
呢間咖啡座前舖係賣餅，後舖畀客人坐低歎咖啡。試飲完嘅伍小姐大讚佢哋喺彌敦道開咖啡座不失為一條「好橋」，但佢就覺得啲咖啡淡咗少少，未夠香濃。八方就覺得啲枱櫈唔似意大利路邊咖啡座咁露天擺放，未夠feel。
張家俊攝
傳真︰2623-9278
電郵︰