明星股今年或會再添一員，舊年憑住《少林足球》成為香港電影史上最賣座電影嘅周星馳，佢都想過一吓上市公司主席癮。八方收到消息，話周星馳搞咗間叫做品記國際嘅藝人管理公司，已經申請喺聯交所上市。
其實星爺有間電影公司叫做星輝，拍《少林足球》就係呢間公司，點解唔安排呢間公司上市？八方都唔知。股票界朋友話，唔知星爺嗰間公司有乜嘢藝人，如果只有佢響拍《少林足球》期間招募嘅新人，吸引力就一般，但如果星爺自己係其中一分子，咁就唔同晒喇！
（圖）星爺（右）憑《少林足球》創造香港電影史神話。 劇照
傳真︰2623-9278
電郵︰