時近年尾，又係各大汽車代理嘅減價清貨期，而今回率先搶閘嘅竟然係本田Civic車系；亞Mark收風話原本賣成12萬嘅CivicEXi標準版，家陣只係9萬8千8咋！價錢要較時下一眾迷你CityRV重要吸引外，至頂級嘅Civic1.5VTi豪華版，亦由原來14萬幾減到13萬9千8，雖然睇落好似減得唔多，但標準設備就有齊皮椅、電天窗、又有四輪合金軨、原廠霧燈及泊車感應裝置，唔少得重有10碟CD嘅高級音響㖭！雖然代理話只係一次清存貨行動，但睇落茅頭好似係直指新登場嘅2003年新版豐田Corolla噃！若然你係本田Fans的話，就真係唔好錯過機會，皆因手快有手慢無㗎！