八方前排講過新城財經台由中環中心搬回紅磡黃埔大本營，噚日喺長江中心地下見到長實副主席李澤鉅同和黃大班霍建寧，於是上前問吓霍大班，點解新城財經台要搬？霍大班連忙話唔係縮減投資，亦冇計劃大規模裁員，但咁嘅時勢，個個部門都要交數啦。
言下之意，即係新城財經台賺唔到錢，所以要節約成本。不過，霍大班大賣廣告，話新城做得好好，「我都有聽」，又話新城已經有錢賺㗎啦。佢重用番以前句名句，話新城「就嚟由雞翼尖變雞翼㖭。」至於賺幾多，佢就冇答到，猛咁叫八方去問新城行政總裁甘國亮。
傳真︰2623-9278
電郵︰