郭羨妮、陳豪、蘇志威及劉錦玲等，昨日在電視城出席《絕世好爸》記者會，監製即場派發「成績表」給各演員，以表揚他們在劇中的出色表現。 靠告示板通訊 郭羨妮自言拍完《絕世好爸》後，更懂得愛錫母親，她說：「好多時候因為要拍劇，我都冇時間陪佢，我哋𠵱家只係靠一塊告示板通訊，因為我返屋企佢已經瞓咗覺！以前我都會帶阿媽去開工，但係太辛苦，我都係叫佢喺屋企享福，不停畀錢佢，但係阿媽最需要係我有時間陪佢。」 《絕世好爸》收視高企，而陳豪亦獲得不少觀眾讚賞，對此他說：「因為呢套劇受歡迎，都多咗好多廣告商搵我。」