一個曾經參加過92年奧運會單車比賽的大廚師說：
「原來做廚師同踩單車一樣，永遠都要超越前人，不斷創造好嘅成績就正如不斷咁研製新菜式一樣。」
不斷將菜牌革新就是這位單車大廚莊飛樂Philip的營業方針。
記者：梁佩芬 攝影：陳陶鈞
從未試過專注一項運動訓練，但參加比賽後先知自己原來係隻「井底蛙」，無論速度同耐力都比唔上人。
為要叻過前面的人，開始了邊打工邊比賽的生活，每日工作十多小時後回家才練單車，晚上十一時開始由沙田去大埔，經粉錦公路入大帽山，落荃灣過呈祥道返龍祥道回沙田，真係搭巴士都要幾個鐘，他只用約一小時便完成。年多後，得到數次單車公開賽冠軍後，順利升上AGrade，可與更高級的車手比拼，同期一起比賽就有黃金寶。
重新入廚房，與當初未做過選手有何分別呢？
「以前做廚房只當佢係一份工，做過運動員後，先發現當你全心投入做一件事，幾辛苦都可從中找到唔不同嘅樂趣。踩單車要不斷向前，不斷超越前面嘅人，就算踩到最前，都要創造最佳成績；做廚師一樣，要喺同一種食物上不斷創新，我試過困喺廚房三、四日，都係要做啲無人做過嘅菜式……廚師就好似藝術家。」
「咁啱洪松蔭嗰輩選手又退休，我先有機會入選港隊，開始地獄式訓練，單係一個練習，十二個鐘唔停喺鹿頸附近度兜圈，雙腳唔可以停，一路踩一路飲水食嘢。」
1991年Philip開始儲錢為全年練習做準備，他笑言原來當年一萬蚊都可以食成年。最後，雖然因體能問題「未能完成比賽」，但用汗水換來的經歷總算難忘。
「參加奧運後，完成心願，十幾年前，喺香港做運動員無前途，錢又無，社會唔重視你，單車會內部又勾心鬥角，所以點都要搵份工！」
今天，Philip已成為一個獨當一面的大廚，覺得做西餐最能發揮色、香、味的特色，頓覺自己真的變成一位藝術家。為迎接冬天的來臨，他精心炮製了不少特色歐陸食物。
小記最鍾意食雞翼，今次可一碟內滿足晒食三款不同味道雞翼的願望，最低層是日本清酒蜜糖照燒，中間有香辣味道，第三層是起骨雞翼釀芝士及煙肉。
外表呈金黃色的薯餅，內裏有蝦、蟹、魚等海鮮，Philip話如果食完一個太滯，可邊食邊飲杯熱薄荷檸檬茶（$28），能消除油膩感覺。
意大利飯出名咬落似半生熟的飯，食落有陣甜甜的南瓜味；已去殼的龍蝦肉，加上少少酸甜醬汁，味道夠晒香，愈食愈開胃。
Philip設計的龍船，兩隻長碟上放有安格斯雪花牛肉、帶子、三文魚、意大利香草雲吞等十多種食物，配上薄荷牛肉清湯底，包你食到全身暖笠笠，隨餐奉送薄荷檸檬茶。
第一次見到西餐廳內有中國的白飯魚，Philip用蛋包着炸，外皮脆脆的，咬兩口就有滑啫啫帶生啤味道的白飯魚，同屋企的白飯魚蒸蛋感覺截然不同。
同事眼中的Philip
當日負責面試Philip的Elisa盛讚說：「我覺得一個身心健康嘅人，唔會成日愁眉苦臉，返工開心啲，自然都煮得一手好菜！正係餐廳所要嘅廚師。」
曾當過南華後備足球員28歲的Andrew，上年8月又代表香港參加國際雞尾酒比賽並取得冠軍。
「Philip有運動員嗰種堅持主見嘅性格，心想嗰樣就要做到嗰樣，好似固執無道理，但出奇咁又成功做得到。」
Mint
電話：27355887
地址：尖沙嘴廣東道122-126號地下
營業時間：12:00nn-1:00am