八方噚晚六點半去到金鐘參加酒會，因為董事學會宣布第二屆傑出董事獎名單，當然唔可以錯過。今年嘅得獎者包括「上海姑爺」、即瑞安建業主席羅康瑞，生產Esprit時裝嘅思捷環球執行董事潘祖明，同大福證券董事總經理黃紹開，三人獲得傑出上市公司執行董事獎；嘉華建材非執行董事張惠彬就獲得傑出上市公司非執行董事獎。前高官、現任新世界巴士董事總經理許雄獲私人公司執行董事獎。
曾蔭權喺頒獎禮上借題發揮，講到公務員改革，好似精簡架構同薪酬檢討咁，唔知係唔係想暗示啲同事學吓許雄下海。
自從美國發生Enron事件後，上市公司嘅違規問題引起社會關注，今次董事學會頒發獎項，可以表揚做得好嘅董事，對於壞分子，就要靠監管機構出手喇。
（圖）曾蔭權噚日喺頒獎禮上講公務員改革。
傳真︰2623-9278
電郵︰