電影《賭俠2002》前晚到灣仔會展舉行首映禮，兩大主角張家輝及馮德倫因身在外地未有出席，只有由片中演員王秀琳及黃偉文撐場。性感女星楊嘉雯無懼寒風，身穿低胸上衣和超短熱褲搶去不少風頭。
性感女星楊嘉雯、歐陽海璇、麥浚龍（Juno）、盧淑儀、陳見飛、王秀琳（Mango）及黃偉文等，前晚往灣仔會展，出席電影《賭俠2002》首映禮。《賭》片兩大主角張家輝及馮德倫因身在外地未有出席，只有由片中演員王秀琳及黃偉文撐場。
雖然前晚天氣轉涼，楊嘉雯仍穿上性感上衣襯超短熱褲示人，其豐滿身材表露無遺，加上她不時俯身任影任拍，趁張家輝及馮德倫缺席，搶盡片中演員Mango的風頭，成功出位。
楊嘉雯衣衫單薄，問她會否覺得凍？她說：「我有外套㗎，𠵱家除咗啫。我唔係行性感，不過我唔會局限自己嘅演出範疇。」早前有傳楊嘉雯家境富裕，對此她說：「住大屋都要返工㗎，係兩件事嚟，人哋唔會因為咁樣覺得我唔憂做嘅。不過我最近想搵個經理人，唔使成日要我出去傾嘢。」
而歐陽海璇也不輸蝕，她穿着黃色上衣酥胸半露，風頭雖未及楊嘉雯，但與其他女星比較，亦相當搶鏡。Mango接受訪問時則表示近日收到內地歌迷寄來的求救信，她說：「佢話自己患肝病，寫埋地址叫我滙三千蚊畀佢。我好驚呀，其實我冇錢好窮㗎，公司叫我唔好理佢喎。」
此外，Juno被問到劉德華早前曾表示開戲也不會找他演出，他說：「唔會嘅，我識嘅華仔唔會咁小器，佢好好人，可能佢嘅意思係佢開嘅戲唔適合我，先唔搵我啫。」
採訪：陳梅香 攝影：林德雄