近期HipHop街頭文化在深圳大熱，唔單止在深圳東門步行街見一大班「舞男」鬥舞技，一隊名為「蟲蟲」的北京四人HipHop組合到深圳作巡迴表演，更與深圳舞隊「BOF」結盟殺入酒吧！廢話少講，第一時間貼身追蹤！
記者：梁煒
攝影：Kenny
深圳直擊報道
與多位練舞者雖然不大熟識，但總覺這班細路朝氣勃勃，跳個不停，即使凌空後空翻或跌落酒吧櫈上，都像沒甚麼發生一樣。來自北京的「蟲蟲」四人HipHop組合，當中三位成員孟寧、周浩及張杰均熱衷Breakin’及Lockin’舞蹈，他們更是2001及2002年度全北京市「街舞風雷」比賽的冠軍人馬。
晚上十時許，「蟲蟲」就往深圳體育館旁一間酒吧表演，那兒有1,000平方米，可容納400人。雖是他們首趟演出，現場早已擠滿睇熱鬧的年輕人，唔少都係街舞擁躉，皆因酒吧自5月便由運動吧改HipHop吧。睇過他們整晚表演，覺得外號「Sky」的劉濤跳舞最靚，可能他曾跟「TRF」跳舞師傅學舞，好似識軟骨功咁，有勁度又跳得好靚！
我早半年前已與「BOF」成員認識，三位成員Come、HI-CO及Banana自動爆料：兩隊剛於11月1日結盟，實行在深圳大展拳腳，暫定兩隊每晚10:40至午夜12:00在自由人酒吧小試牛刀，亦快將到CDClub表演，起碼維持到年底。
自由人酒吧
地址：深圳市筍崗路深圳體育館12區
電話：（86-755）83246253
營業時間：晚上7:00至凌晨2:00
交通：從羅湖關口前往，乘的士約20分鐘，車費約?28
無心快語CDClub
地址：深圳市福田區上步工業區外貿道22棟萬源大廈西二樓（近振興路北海漁村）
電話：（86-755）83366688
營業時間：晚上7:00至凌晨2:00
交通：從羅湖關口前往，乘的士約15分鐘，車費約?25