「我真係好多謝香港嘅同胞，好感激蘋果基金，我同兩個仔女永遠都唔會忘記你哋嘅幫助。」新寡文秋南接過讀者捐款後，衷心道謝說。
三十四歲的文女士，其夫李榮，早前因急性心肌梗塞猝逝，遺下一對年僅六歲及八歲的子女，彷徨無依。居於內地的文女士，早前攜同子女來港奔喪，卻連落腳的地方和生活費也沒有，境況淒涼。
「好彩最後有間教會肯收留我，畀我食畀我住，社會福利署就安排我兩個細路哥住喺兒童院，我哋三母子先唔使瞓街。」雙眼泛紅的文女士表示，如今已辦妥丈夫的身後事，故打算日內返回海南省家鄉。
喪夫兼飽受經濟困擾，文女士連月來消瘦不少，數度想輕生的她坦言，目前情緒仍然未能平復。「一瞌埋眼，啲眼淚就不停咁流，好擔心，唔知以後點算，唔知一個人點樣湊大一對仔女，好驚佢哋會冇書讀。」文女士淚如泉湧地說。
為協助文女士度過這段艱辛歲月，蘋果基金早前曾發放三千元緊急援助金予她，日前文女士另接獲善長捐款六千六百三十元。「我𠵱家暫時都未有乜嘢打算，返上去都未必可以咁快搵番份工，呢筆錢可以幫我做住生活費，多謝晒。」
捐款編號：C0690
暖流熱線
電話：29908688
傳真：23702192
電郵：
網址：