噚日係微軟數碼港新總部喬遷之喜，咁大件喜事自然要大搞賀吓，除咗喺平台花園搞自助餐，重請埋工商及科技局局長唐英年主持植樹儀式。
不過，主辦單位可能唔係好知道，立法會逢星期三有例會；結果八方同班行家喺數碼港企到腰骨痛，唐生就喺立會解畫解到天黑至趕到。八方計過，由三點鐘開始入數碼港，搞到六點幾先至走得，真正由天光等到天黑。
另外，剛接任數碼港專員一職嘅賭后馮程淑儀噚日亦都畀面出席，佢同八方講，剛剛先至上任，暫時未有乜嘢可以同大家講。
不過佢係諗緊遲啲應該點樣招呼八方同埋班行家入數碼港，講吓最新進展，因為佢上手嘅Annie譚贛蘭已經試過元宵食湯圓、中秋賞月呢啲招數，真係用心良苦。
（圖）唐英年（中）噚日因為要喺立法會解話，所以入黑至去到微軟數碼港新辦公室開幕。
傳真︰2623-9278
電郵︰