新款寶馬7系自推出以來，一直備受商賈富豪追捧；而廠方將會響明年初推出全新760i及760Li型號，不但動力輸出數值有所增加，就連車廂布局亦會略作修改，以求令享受程度有所提升。
雖然新車外形看似沒有多大改動，但當細心留意下，不難察覺到新車頭沙板貼有V12嘅標誌、換裝上全新鬼面罩及大口徑胎軨組合等等，從而令其尊貴身份更見突出；車廂布局亦依舊以豪華為主，表板、車門及車廂四周皆以全新Nasca真皮用料鑲嵌，望落可謂氣派十足。另外，一台全新約六公升嘅V12偈除備有寶馬獨有嘅Valvetronic技術，而能夠做到有強勁動力輸出（馬力445匹）外，更可有低耗油及廢氣排放嘅特性㖭。若然新車能於明年中在港推出的話，同樣以豪華房車為賣點嘅Maybach，就真係遇到勁敵喇！