劉德華、盧巧音、蘇永康、何韻詩及王力宏等前晚於會展演出「新城情歌萬歲音樂會」，華仔被問到是否為吳君如新戲客串演嫖客，以及接受特別服務，華仔否認說：「嗰場戲係話我去按摩，好普通，冇特別服務㗎。」
華仔還開玩笑說：「君如唔好利用傳媒，唔係佢講咁誇張，佢把口好犀利。」提到張栢芝近日激動地指摘《東周刊》老闆楊受成，將與柏芝合拍新戲的華仔說：「我以前都會發脾氣，𠵱家諗番當年都會後悔。栢芝咁後生有咁嘅地位，壓力都好大嘅。」
此外，盧巧音前晚否認早前避與前男友余文樂合照，她說：「我嗰日唔靚女嘛，點合照啫？下次有機會都要睇吓我靚唔靚。」
採訪：胡比
攝影：何國豪