日本靚仔窪塚洋介一直瘦蜢蜢，早排嚟香港嗰時已經見佢個樣好攰，噚日重有傳聞話佢之前病到死死吓㖭！好彩前日佢喺新片《魔界轉生》嘅記招入面，同記者有講有笑乜事都冇。雖然趁紅賺多啲錢係啱，但係窪塚仔同時間拍電影同日劇，鐵人都捱唔住啦！不過唔知點解，前日個記招窪塚仔好鬼怕醜，可能佢第一次着到又紅又綠，有啲唔慣啩！