呢個禮拜日，沙田馬場會擧行婦女銀袋日。當日入場嘅各界人士，都可以獲贈別致嘅凱旋門閃石襟針及「慧眼識英雄」簡易致勝指南。
「婦女銀袋賽」其實始自英國，於一八六三年首次在港舉行，係本地其中一項歷史最悠久嘅賽事。今年「婦女銀袋賽」為第一班千六賽事，獎金有成一百六十萬。代表香港出戰釜山亞運、勇摘金牌嘅壁球選手趙詠賢，將頒獎予勝出馬匹馬主、練馬師及騎師。講開趙詠賢，佢其實同馬會嘅淵源好深，爸爸係馬伕。
呢場賽事肯定競爭激烈，榮智健、鄭家純、唐翔千、李福深同陳聖澤都有馬報名，唔知最後邊隻會勝出。
當日重有「冠軍騎師」競猜遊戲，入場人士如果猜中邊位騎師喺全日賽事中，勝出場數最多，即有機會參加大抽獎，頭獎一名可得信用卡簽帳額一萬元，都幾和味。
（圖）凱旋門襟針鑲有閃石。
傳真︰2623-9278
電郵︰