去中環打golf？冇搞錯，中環最近開咗一家室內高球中心，喺美國銀行大廈地庫，即係以前StarEast個位。八方噚日趁個場正式開張去睇睇，呢個場有一萬六千平方呎，除咗打golf，重有時興嘅按摩、瑜伽。八方收到料，呢個場係新世界主席鄭裕彤身邊的紅人魯連城（外號魯掌櫃）搞嘅，恒生銀行元老何添嘅公子何厚鏘都係董事之一。
難怪噚日開幕，有瑞安董事長羅康瑞、利豐主席馮國經及名模Rosemary做嘉賓，聽講羅康瑞、馮國經同魯連城、何厚鏘等人都係好朋友，所以畀面出席，更即場講自己打高球嘅心得。
﹙圖﹚鄭裕彤身邊的紅人魯連城（右）喺中環開咗一間高球中心。 資料圖片
傳真︰2623-9278
電郵︰