𠵱家經濟唔好，連啲藝人都要話學多兩門手藝，為自己增值，不過唔講你唔知，啲日本女星除咗鍾意扮靚之外，重擁有唔少特技同專長！就等我羅拉爆畀大家知啦。
MEGUMI：二十一歲嘅MEGUMI紐約留學嗰陣，曾經諗過做R&B歌手㗎，之後老友見佢身材好介紹佢入小池榮子嘅事務所，佢為咗學習前輩嘅影相甫士，每個禮拜都會買幾本寫真集，𠵱家收藏過二百，佢重話近期最推介《月刊吉岡美穗》喎！
佐藤江梨子：我羅拉一直都以為佐藤淨係識得影性感相，點知原來佢畫畫好掂，重攞過「日本學生油畫學會大獎」㖭！
華原朋美：朋美雖然成日俾人話精神有問題，但佢嘅騎術出晒名fit，佢三歲開始學騎馬，重攞過日本第四十七屆馬術障礙大賽第四位！
伊東美：早排伊東先至俾人爆佢學生時代生活唔檢點，其實佢喺大學讀過幼兒教育，重讀過經濟課程，兼且有做社工資格㗎！