奧迪車廠繼本月推出，擁有190匹馬力輸出嘅A41.8T四門房車，同埋Avant旅行車後，最近又宣布會為旗下最新款嘅A4Cabriolet，推出配用1.8公升Turbo偈（馬力163匹）嘅1.8T型號，快者可望於明年正式登場。
改配一台1.8公升Turbo偈嘅A4Cabriolet1.8T，響外形及車廂配搭上，皆與現有型號相近，廠方並無為其作出大幅度修改；皆因新車無論造型抑或係車廂布局，都廣受車迷好評。然而，動力來源則為一台新加入嘅1.8公升Turbo引擎，馬力輸出為163匹，扭力更高達23.0kgm/1950-4700rpm，匹配一套5前速手波或Multitronic半自動波箱，皆能令新車有出眾嘅性能表現；其中手波版0至100公里嘅加速度僅為9.4秒，而極速更高達226km/h㖭！雖然性能表現不俗，但僅為8.5L/100km嘅耗油量，實能令人留有深刻印象呢！未知香港代理方面，會否響稍後時間將之引入呢？