公務員總工會告政府減薪嘅司法覆核案，今個月底就會有初步聆訊。工會搵咗資深大律師麥高義，佢唔單只來頭大，收費重一啲都唔平㖭！工會主席張國標同八方講，照正價：百幾萬都唔夠麥高義打兩日官司！不過，張國標同麥高義識咗三十年，老友鬼鬼，八方估計一定有優惠價，話唔定重係仗義相助㖭！張國標就笑笑口話：呢個係商業秘密喎！
麥高義係憲法專家，曾經做過律政司嘅檢控官，之後出嚟私人執業，幫過國泰機師告國泰違反合約、稅務局前局長單羅玉蓮上訴，經驗老到，睇嚟呢場拗手瓜之戰，港府未必一面倒贏硬喎！
傳真︰2623-9278
電郵︰