賭王何鴻燊幼子何猷龍前晚偕同妻子羅秀茵，出席由《資本》雜誌舉行的頒獎禮，領取「傑出青年企業家獎」。羅秀茵表示丈夫未來數年為事業搏殺，需押後生BB的計劃。不過她剛入股一間幼稚園，擔任總監，母性亦可盡情發揮。
賭王何鴻燊幼子何猷龍在《資本》雜誌舉行的「第三屆傑出科技及金融企業成就獎」中，獲頒發「傑出青年企業家獎」。前晚何猷龍與妻子羅秀茵、東源大地總裁王嘉恩和全國政協委員蔣麗芸等，往金鐘萬豪酒店出席頒獎禮。
何猷龍現時是新濠國際發展有限公司董事總經理，及亞洲網上交易科技有限公司的副董事長，老公得獎，問羅秀茵心情如何？她說：「梗係戥佢開心，雖然佢有時掛住做嘢，會少咗時間陪我，不過我明白佢嘅。」
羅秀茵又透露最近發展自己的事業，她說：「我啱啱拎錢出嚟，投資山頂一間有十幾年歷史嘅『SunshineHouseInternationalPre-SchoolandKindergarten』做總監。其實我好想做媽咪生BB，但係老公話呢幾年工作行先，我尊重佢嘅決定，不過我都希望生BB計劃可以喺兩年內實現啦。我𠵱家日日返幼稚園，啲母性真係愈嚟愈強呀。」
何猷龍對於獲獎一事說：「我每日工作平均超過十二小時，工作以外嘅時間就喺屋企陪太太，唯一忽略咗嘅我諗就係運動同娛樂啦。」
問何猷龍這次獲獎是否更增強信心接父親棒？他說：「信心真係加強咗，我一向工作上嘅手法都係喺爸爸身上學番嚟嘅。」