謝霆鋒早前因串謀妨礙司法公正罪成，被判罰二百四十小時社會服務令，後遭律政司司長梁愛詩要求覆核刑期，後日便要再次上庭。
霆鋒原先計劃推出的寫真集，因覆核刑期而胎死腹中，明年二月的個唱檔期亦遭陳奕迅取代，就連由他擔任代言人的內地可口可樂於本月底舉行的宣傳活動，亦有傳會飛起霆鋒，改以英皇新組合男版Twins頂上，與師姐Twins雙劍合璧。昨日記者曾致電內地可樂的負責人李小姐求證，她僅表示未接獲有關消息。
此外，英皇昨公布在下月七日舉行三周年演唱會，宣傳海報上印有霆鋒及何嘉莉的相片。英皇行政總裁吳雨說：「之前有同霆鋒傾過演唱會嘅嘢，個演唱會係慈善嘅，佢義不容辭。判决嘅嘢唔係我哋控制，總之公司所有人會支持佢。」
對於新城日前表示霆鋒退選勁爆頒獎禮，英皇藝人管理部總監霍紋希說：「霆鋒從來冇話過退出，如果有獎，佢都會去。」
至於曾與霆鋒傳不和的王傑昨日說：「霆鋒年紀重細，佢受咁多已經係懲罰，唔好判佢死刑，應該愛護佢。」