香港同台灣嘅關係好快有新突破，親陳水扁嘅台灣中央研究院院長李遠哲﹙圖﹚，已應承中文大學聯合書院，喺明年三月嚟香港主持學術講座，恐怕又會引起一場政治風波。不過，聯合書院院長馮國培話，請李遠哲係純粹欣賞佢喺學術上嘅成就，冇考慮過政治問題，所以馮院長笑笑口同八方講，唔擔心港府唔批准入境。
李遠哲喺一九八六年，以「分子束」研究獲諾貝爾化學獎。今年六月，獲邀參加喺清華大學舉辦嘅楊震寧生日會。上個月，佢喺墨西哥舉行嘅亞太經合組織會議上，主動同國家主席江澤民打招呼，顯示佢不再被北京定為「不受歡迎人物」，盛傳佢做咗兩岸「密使」。
傳真︰2623-9278
電郵︰