房屋署機構事務總監馮永業同新任數碼港專員馮程淑儀嘅BB女思齊已經有幾個月大。八方日前問馮公子初為人父係咪好辛苦？點知佢話全冇問題，因為連抱個女都冇機會。
原來馮公子屋企有兩個賓妹，加上媽咪同岳母又非常緊張，嚟晒佢屋企，四個女人輪流抱思齊，做老竇都排唔到隊。佢又話，個女已經有十磅重，健康又活潑，講兩講，都係忍唔住喺銀包攞咗乖女張相畀八方睇，真係好趣致，但係就似晒老竇。馮公子笑笑口承認老婆大人Betty都有投訴，話個女唔似佢。八方話，唔怕啦！女大十八變，有個咁省鏡嘅阿媽，個女一定唔差得去邊。
馮公子呢輪忙於局署合併，亦忙於搬屋，聽講佢老哥常常搬家，全港周圍住吓，親身體驗各區居住環境，今次就搬去北角。
﹙圖﹚曾經做過煲呔同陳太嘅新聞秘書馮程淑儀，投訴囡囡似足老竇馮永業。
傳真︰2623-9278
電郵︰