和記電訊一向以黎明做生招牌，但是最近和記電訊的「Orange」流動電話網絡，跟環球音樂達成合作協議，為張學友推出首個流動音樂網站，學友間接地動搖了黎明在和記電訊的生招牌地位。
為了配合張學友最新個人國語專輯，環球跟和記電訊的「Orange」流動電話網絡，合作推出全港首個「學友流動音樂多媒體世界」的網站，昨日Orange在紅磡海逸酒店舉行記者會，和記電訊董事總經理李家慧被問到張學友點解可以成功取替黎明呢？李家慧未有正面回答，她說：「唔係，以前Leon（黎明）都出過，只不過今次咁啱學友出碟，我哋同所有天王都會合作。」
而學友就表示從未有過一個屬於自己的網站，所以接受這個新嘗試，他說：「其實今次係配合唱片宣傳，咁新嘅宣傳idea都值得一試，而呢個亦係說服我做呢個網站嘅原因，再加上今次網上面頭三個月嘅收益係會撥捐護苗基金。」
學友的網站裏面特設一個「Orange學友真情留言版」，歌迷亦可以寫短訊給學友，但是原來學友對短訊留言一竅不通，他說：「我真係唔識send短訊，從來都未send過message，但係𠵱家就識收。」
對於《東周刊》刊登的受害女星裸照，學友表示該雜誌應覺得羞愧，他說：「做呢件事個人好醜，做呢件事嘅media（指《東周刊》）更醜，我覺得就算罰幾多錢，都冇乜大幫助，佢哋不知所謂嘅形象已經冇得救。」問學友有否跟受害人聯絡？他說：「冇，我只係打電話留言畀佢哋。」
另外，學友昨日接受電台訪問，他將獲港台頒贈「金曲銀禧榮譽大獎」。
採訪、攝影：楊潔雯、卓美娟