趙世曾前妻TerriHolladay昨日宣布今後不再出席任何社交活動，她激動地投訴一間公關公司，指對方每次邀請她出席活動後，原本答允會送給她的禮物均貨不對辦，矛頭直指天機公關公司，她怒斥說：「佢哋係吸血鬼，直情當我狗都不如。」
趙世曾前妻TerriHolladay昨日主動聯絡本報，宣布今後除了為其個人的烹飪書作宣傳外，將不會出席任何社交活動。令TerriHolladay有此決定的，是她不甘被一間公關公司多次利用。
TerriHolladay在電話訪問中表示該公關公司多次承諾她出席活動後，會送禮物給她，但十居其九均沒有兌現，她不忿地說：「我喺過去嗰幾年，淨係出席呢間公關公司嘅活動，但係每次為佢哋助興，我都唔知使咗幾多錢。好多時呢間公司啲人請我去佢哋嘅活動，事前都話會送番禮物畀我，但係佢哋次次都係好求其咁畀啲『uglygift』我。有次應承過送某牌子嘅手表畀我，最終佢哋就去咗其他店舖買過另外一隻代替。
「有一次重離譜，佢哋邀請我去某名牌活動，事先話最好着番呢個名牌嘅衫出席，帶我去試完衫之後，去完個活動，佢哋竟然叫我買番嗰套成二萬幾蚊嘅衫。我覺得呢班人真係吸血鬼嚟，當我狗都不如，本來我同佢哋交情咁好，畀面去佢哋嘅活動應該係一個雙贏嘅局面，但係𠵱家只係佢哋得益，我真係對佢哋徹底失望。」
翻查資料，TerriHolladay近年常出席由榮文蔚負責的天機公關的活動，榮文蔚昨日在電話回應Terri的言論說：「點會係利用佢（指TerriHolladay）呢？請佢去party又點利用佢呀！至於佢話叫佢買名牌衫，梗係冇咁嘅事啦，我哋叫啲名牌贊助佢就有。」