林嘉欣剛以七位數字酬勞簽約護膚品牌Regene，擔任代言人，昨日她到元朗拍攝護膚廣告。該品牌早前曾邀張栢芝任代言人，有報道指林嘉欣是「執二攤」？林嘉欣昨日澄清說：「唔係，栢芝重係代言人，我係第二條新line嘅代言人。栢芝好白，我覺得佢都幾好。」
問林嘉欣知否栢芝前日出席演藝界譴責《東周刊》的活動上公開爆粗鬧楊受成？她說：「呢一代嘅年輕人有好多諗頭，我雖然同栢芝唔熟，只係見過一次，我知佢係有義氣，好識諗，又冇戒心。佢都係好直好真啫，我鍾意佢呢種真嘅人。不過我由細到大都唔講粗口，就算講完大話之後都會講番真話嘅。」
此外，林嘉欣表示前日都有出席譴責《東周刊》大行動，當時她看見劉嘉玲站出來說話時十分感動，她說：「嗰一刻我都想喊，要忍住忍住，佢真係好叻。」