噚日凌晨十二點正，喺土瓜灣工聯會附近出現咗一個奇迹，民協副主席廖成利成功重返區議會，打得贏有工聯會支持嘅民建聯候選人許清波。
八方之前收料，大部份都話民建聯只要攞到五百票就贏梗，懶理民協話做過調查，估計佢哋會攞到「發發發」票，事關一講八百八十八票，似吹水居多。結果民建聯喺呢個咁「紅」嘅選區，真係有五百幾票，而民協呢──八八六票勝出！
民協主席阿基話佢哋絕對冇買票，呢個當然啦，只係有人擔心，工聯會喺自己地頭都輸得，唔知係唔係棠哥同曾主席入咗行會、政府衰到貼地有冇關啫。
（圖）廖成利當選區議員後興奮得親吻愛妻（右）。
傳真︰2623-9278
電郵︰