皇仁書院前晚於灣仔會展舉行一百四十周年校慶晚會，賭王何鴻燊偕同三姨太陳婉珍、全國政協副主席霍英東和張瑪莉等出席晚會。
問陳婉珍對於女星被《東周刊》刊登多年前被強行拍下的裸照作封面，引起全港公憤一事的看法，陳婉珍說：「呢件當然係一件好唔愉快嘅事，作為女性，呢個係一個好大嘅傷害同侮辱。件事發生咗咁耐，當事人嘅心情本來都平復晒㗎啦，𠵱家俾人拎番出嚟，傷害梗係大啦。我覺得有人企出嚟面對，真係好勇敢。」
另外，記者問霍英東知否其孫兒霍啟剛被封為「𠝹女王」，他說：「我唔知呀，不過仔大仔世界，孫大孫世界，年輕人個個都有自己想法㗎啦。」至於霍啟剛有否帶女性朋友回家見他，霍英東說：「冇呀，我一個都未見過。」
採訪:DebbieLum、RitaLeung、WongChingMen
攝影:EdwardChou、MatthewLam