「我冇諗過會有讀者捐禮物畀我哋，真係好開心。𠵱家多咗啲奶粉，BB每日可以食多一餐奶，唔使捱肚餓，呢輪見佢都肥咗㖭。」五十二歲的阿珍抱着十個月大的孫兒潤仔感激地說。
潤仔的父親因在內地吸毒而被判入戒毒所，母親則離家而去。月前，阿珍替潤仔申請雙程證來港暫住，惟生活貧困的她，依靠僅餘的積蓄過活，無力購買嬰兒紙尿片、奶粉及衣物，境況堪憐。蘋果日報慈善基金即時撥款三千元，助其應付孫兒的生活需要。日前，婆孫倆喜獲讀者捐出七罐奶粉及一批紙尿片。
在內地從事小販的阿珍，八八年與前夫仳離後，與二十二歲的兒子阿華相依為命。其後，阿珍在港結識了較她年長三十多歲的第二任丈夫；數年前，她獲批單程證來港，曾從事廚房洗碗工人及清潔雜工。其夫於今年初因腎病去世。
「𠵱家一日二十四小時都要睇住個孫，有時見到佢喊，自己都會一齊喊，始終自己年紀都愈嚟愈大，身體又唔好，真係好擔心將來冇人照顧佢，希望遲啲有機會搵到佢阿媽！」阿珍歎道。
捐款編號：C0708
暖流熱線
電話：29908688
傳真：23702192
電郵：
網址：