早前，亞Mark曾經同大家提過，話萬事得部全新嘅Mazda2（入替原有Demio）城市小車，有望響今年底前抵港，想唔到香港代理有咁高效率，剛啱收到最新消息，話新車會響今個星期尾到埗，旋即響今個周末周日喺沙田某大商場舉行車展，跟香港車迷見面㖭！過往，歷代萬事得121同Demio均有唔錯嘅銷售成績，而新款Mazda2更滲入有不少歐洲車嘅元素，無論造型、設備同性能均有莫大進步，若然新車嘅售價，能夠維持響11萬上落的話，相信響眾多同級對手環伺嘅情況下，亦能突圍而出呢！
然而，今趟率先抵港嘅Mazda2，雖然暫時只有一台1.3公升直4引擎作配搭，但勝在動力輸出充裕外，重有自動波及手波型號供用家選擇；至於備受車迷鍾愛嘅軟篷頂型號，快者都要明年上半年才有望抵港，之不過有興趣嘅Fans，不妨先睹為快再落訂，咁就唔怕遲遲都未見有新車到手啦！