經常在Ball場版見報的卓能地產主席趙世曾，雖然近年比較少投地，但係對樓市重係好關心。正當市場盛傳政府今日公布穩定樓市措施之際，趙公子噚日竟叫齊傳媒到佢公司大談樓市，八方都要聽聽佢嘅高見。佢話最近娛樂新聞令到政府有反應，董特首都出來講話，深感傳媒力量好大，所以自己都要透過傳媒講講本地樓市。
趙公子形容，本地的負資產人士好慘，政府今次一定要落重藥救市。佢認為政府單靠賣地及停售居屋都唔足夠，一定要停埋勾地、停止補地價及停止兩鐵上蓋發展權，這些措施更要維持18個月，到時市場的供求就可以平衡番。
佢話，好多地產行家都支持佢嘅睇法，包括香港其中一個最大的地產商。想唔到一向講靚女經的趙公子都咁關心樓市。
傳真︰2623-9278
電郵︰