對陳方安生來說，以前做公務員做到一人之下，十八萬人之上，睇嚟冇乜嘢唔掂，但係原來一部電腦可以考起佢！
陳太最近接受商台訪問，支持由地鐵物業管理同聯合國兒童基金會搞嘅「地鐵商場好學生同學會」獎勵計劃，講到不斷求進的精神時，踢爆自己原來退休前唔識用電腦，因為之前乜都有秘書幫手；但係𠵱家都要硬住頭皮去學，雖然初初好難，但係好彩有乖仔幫手，今日已經可以經常上網搵資料，佢重對自己嘅進度好滿意㖭！
陳太又以過來人身份話，以前在政府做得愈高，愈發覺凡事好難討好各方，有時你愈要討好人，最終冇一個人高興你所做嘅決定，所以最緊要係緊記自己嘅原則，從大眾利益去睇。新董家班，收唔收到呀！
傳真︰2623-9278
電郵︰