本地超級市場近期猛打耆英牌，推出各種優惠長者計劃。八方噚日去青衣長青邨華潤超級市場，佢哋繼九月十三日推出長者八八折優惠後，今日又推出「關心公公婆華潤送上健康蘋果」計劃。
華潤超市董事副總經理陳樹雄同八方講，凡持有長者卡的耆英，上午十時開始，一連三日，喺全港七十五間華潤超市，無論幫襯與否，都可以獲贈一個蘋果。佢哋預算每日送出蘋果兩萬個，三日合共送六萬個，以答謝他們對社會的貢獻。佢話長者佔華潤超市顧客百分之五，佔總收入一成，因此報答番佢哋都好應該。
八方雖未有資格攞蘋果，但係覺得對佢哋呢招宣傳攻勢都幾好，如果再一人送多一份《蘋果》就更加好。
傳真︰2623-9278
電郵︰