噚日國泰搞咗個機艙服務員招聘日，吸引成千人嚟排隊應徵之餘，更請到經濟發展及勞工局局長葉澍堃主講一個講座，認真巴閉。原來公務繁忙嘅葉局長，都好留意本港嘅娛樂新聞，尤其係呢排好紅、又後生又靚女嘅歌唱組合Twins。
話說局長噚日接受傳媒訪問嗰陣，葉局長已經好識做，企喺一塊寫有國泰標誌嘅布景板前面，畀記者影相。點知國泰董事兼常務總裁陳南祿重多多要求，叫局長企喺兩個靚女空姐布景板前接受訪問，點知局長一睇，笑笑口猛話兩個空姐好似人氣組合Twins，但係就冇走埋去影相。唔知葉局長係唔係嫌兩個空姐唔夠Twins咁靚，所以唔走埋去影相呢！
（圖）葉澍堃局長話呢兩個國泰空姐似樂隊組合Twins，唔知大家覺得似唔似呢？
傳真︰2623-9278
電郵︰