東亞銀行主席李國寶一向係傳媒寵兒，皆因佢快人快語，成日語出驚人，前排雖有baby事件困擾，但無損佢嘅聲名，在在顯示公關手腕了得。八方噚日得知，世界五大公關公司之一的愛德曼公關已得到寶哥哥應允，出任亞太主席一職，愛德曼果然有眼光。
寶哥哥成為公關中人，咁佢做唔做東亞份工？唔使擔心，因為個位只係名譽職位，佢本來已經係愛德曼全球諮詢委員會六名成員之一，兼多個銜頭而已。
除寶哥哥外，愛德曼又請得公關界前輩MartinSpurrier做香港區主席及集團執行副總裁，黃讚雄出任香港企業客戶部主管。Spurrier做過怡和系公關頭頭達十五年，其後創業，後來將間公司賣畀世界第一大公關公司WeberShandwick，轉任名譽職位，可以說半退休，估唔到今次又重出江湖，看來公關界又有一輪大動作。
（圖）李國寶將出任愛德曼亞太主席。
傳真︰2623-9278
電郵︰