潮流逆轉，車迷口味跟過往截然不同，而甚有房車味道嘅Coupe轎跑車，近期亦漸受注目；早陣子，以豐田Altezza為敵對目標嘅萬事得Mazda6，繼宣告會推出高性能跑車版本後，據聞廠方有意響2003年下半年，於北美及東瀛本土市場，推出全新Mazda6Coupe，車體造型及線條會較四門轎車版更流暢富辣味㗎！至於另一邊廂嘅豐田亦不敢怠慢，繼早前宣稱會響2004年，推出全新一代Altezza（即港版凌志IS200）之外，廠方亦打算響Altezza車系中，加添一款Coupe型號。究竟兩款新車用甚麼引擎組合，到底又會係誰勝誰負呢？大家真係要拭目以待喇！