上禮拜五杜指由跌87點變反升120點收市，納指由跌16點變反升30點，對港股短期走勢起推動作用。過去5日，恒指升1日後連跌4日，4日累積跌幅達446點，有機會反彈番2百點。
博大市反彈，可以諗吓買些少恒指Call輪，對象有兩件，9552同9533，兩件都係年期較長，兼大量成交。9552明年3月夠鐘，現價24仙，溢價9.3%，槓桿率19.6倍。9533亦係明年3月到期，現價18.5仙，溢價8.9%，槓桿率12.7倍。
地產股調整幾日後，亦有機會作技術性反彈，新地（016）、長實（001）同恒地（012），可以揀一啲交投活躍嘅Call輪埋手，新地輪要9524或9525，長實輪要9517或9515，恒地輪要9473或9560。呢6隻地產Call輪中，成交金額最勁嘅係9517，價位揑得準嘅話，1日之間可以炒兩轉。
中國電信暫時招股唔成，會否有條款訂出矇查查。留意事態發展，如果確定遲一排至再招股，或者長途電話接駁費有得減番，則電訊股有反彈之機，可以買番啲中移動Call輪，對象係9526同9532。聯通Call輪比較少啲選擇，得件9383。
章盛