依然係唔少阿叔心目中女神嘅藤原紀香，最近同J2（日本乙組足球聯賽）球隊橫濱足球會合作，紀香姐前日重喺橫濱主場對大阪櫻花嘅聯賽入面出現，當日嘅入場觀眾即刻由平時嘅三千人升到八千幾人，你都咪話佢冇吸引力。紀香姐嗰日着晒波衫落場踢咗兩腳，不過腳頭認真唔好，隊波上場作客都係輸一球，但係今場佢一嚟，就輸二比六咁大煲。